اسلام آباد(نمائندہ خصوصی) )ساتھ ویسٹ یونیورسٹی آف پولیٹیکل سائنس اینڈ لا کے وزٹنگ پروفیسر چینگ زی ژونگ نے کہا ہے کہ چین پاکستان آئی ٹی تعاون پاکستان کی آئی ٹی انڈسٹری کی ترقی اور ملک کی ڈیجیٹل حکمت عملی کے نفاذ میں اہم کردار ادا کرے گا۔ انہوں نے مزید کہا کہ اپنے حالیہ دورہ چین کے دوران وزیر اعظم خان نے چینی کاروباری اداروں کے سینئر ایگزیکٹوز کو آگاہ بھی کیا ہے کہ پاکستان کی آئی ٹی انڈسٹری میں سرمایہ کاری کو راغب کرنے، روزگار کے مواقع پیدا کرنے اور معاشی ترقی کو آگے بڑھانے کی بڑی صلاحیت موجود ہے۔