سعودی عرب، مسجد الحرام میں دینی معلومات کے لیے 32 علما تعینات
مکہ مکرمہ (ممتازاحمدبڈانی) حرم شریف انتظامیہ نے مسجد الحرام کے زائرین کو دینی معلومات فراہم کرنے اور ان کے استفسارات کے جوابات دینے کیلئے 32 علمائے کرام کو تعینات کردیا ہے۔ یہ بات مسجد الحرام میں دینی آگہی فراہم کرنے والے ادارے کے سربراہ سلطان البقمی نے کہی انہوں نے کہا کہ زائرین عمرہ، روزوں اورعبادت سے متعلق مختلف استفسارات کرتے ہیں۔ البقمی نے بتایا کہ مسجد الحرام میں 7 مقامات پر استفسارات کے جواب دینے کے لیے علما ہوں گے۔
