لاہور(سپورٹس رپورٹر)پی آئی ٹی بی کے سالانہ کرکٹ ٹورنامنٹ 2022 کے فائنل میچ میں ایجائل الیون  نے سپارٹنز ٹیم کو 25 رنز سے ہرا کر ٹرافی جیت لی۔ایجائل نے پانچ اوورز میں 140 رنز بنائے۔ سپارٹنز 115رنز بنا سکی۔ ایجائل الیون کے محمد فرحان نے سنچری سکور کی اور مین آف دی میچ اور ٹورنامنٹ کا اعزاز حاصل کیا۔ مختلف ڈیپارٹمنٹس کی آٹھ ٹیموں نے حصہ لیا۔ چیئرمین پی آئی ٹی بی آصف بلال کا کہنا تھا کہ کھیلوں کے مقابلے صحت مند کلچر کے فروغ اور ٹیم بلڈنگ میں معاون ثابت ہوتے ہیں۔ انہوں نے اے ڈی جی نثار احمد اور ڈائریکٹر ایڈمن عقیل خان کو ٹورنامنٹ کے شاندار انتظامات پر مبارکباد دی۔