لاہور(سپورٹس رپورٹر)پاکستان کے پروفیشنل باکسر محمد وسیم 19 مارچ کوباکسنگ رنگ میں اتریں گے۔رپورٹس کے مطابق محمد وسیم ورلڈ ٹائٹل فائٹ کیلئے رنگ میں اتریں گے جہاں ان کا مقابلہ برطانوی باکسر سنی ایڈورڈز سے ہوگا۔ محمد وسیم اور برطانوی باکسرکا مقابلہ دبئی میں ہوگا۔ برطانوی باکسر2 بار آئی بی ایف فلائی ویٹ چیمپئن رہ چکے ہیں۔ مقابلے کے حوالے سے محمد وسیم کا کہنا ہے کہ میں ورلڈ ٹائٹل کیلئے دوسری بار رنگ میں اتروں گا اور یہ مقابلہ پاکستان اور ایشیا کی تاریخ کا سب سے بڑا مقابلہ ہوگا۔