لاہور(سپورٹس رپورٹر ) سرگودھا یونیورسٹی کے 18 ویں سالانہ سپورٹس گالا 2022 کا رنگا رنگ افتتاح ہو گیا۔ افتتاحی تقریب کی مہمانِ خصوصی ایگزیکٹو ڈائریکٹر ہائر ایجوکیشن کمیشن ڈاکٹر شائستہ سہیل نے سپورٹس گالا کا افتتاح کیا۔ تقریب میں وائس چانسلر پروفیسر ڈاکٹر محمد سلیم مظہر بطور مہمانِ اعزاز شریک ہوئے جبکہ تقریب میں ڈائریکٹر جنرل سپورٹس ہائر ایجوکیشن کمیشن جاوید علی میمن،ڈائریکٹر سپورٹس سرگودھا یونیورسٹی مہر احمدخان ہرل، سپورٹس گالا آرگنائزر پروفیسر ڈاکٹر میاں غلام یاسین، چیئرمین یونیورسٹی ٹیچنگ و ڈیپارٹمنٹس سپورٹس کمیٹی پروفیسر ڈاکٹر عامر علی،چیئرمین یونیورسٹی سپورٹس کمیٹی پروفیسر ڈاکٹر مسعود سرور اعوان، ڈینز، ہیڈ آف ڈیپارٹمنٹس سمیت فیکلٹی، سٹاف اور طلبہ کی کثیر تعدادنے شرکت کی۔ مہمان خصوصی نے کھلاڑیوں میں انعامات تقسیم کئے ۔ڈاکٹر شائستہ سہیل نے اعلان کیا کہ سرگودھا یونیورسٹی میں ان ڈور کھیلوں کیلئے جمنیزیم تعمیر کیا جائیگا۔