لاہور(سپورٹس رپورٹر)سندھ، بلوچستان اور خیبرپی کے نے پاکستان کپ کے سیمی فائنل میں رسائی حاصل کرلی ہے۔ آٹھویں راؤنڈ کے اختتام پر تینوں ٹیموں کے پوائنٹس کی تعداد 12، 12ہے۔سنٹرل پنجاب 6، سدرن پنجاب 4 اور ناردرن 2 پوائنٹس کیساتھ پوائنٹس ٹیبل پر بالترتیب چوتھے، پانچویں اور چھٹے نمبر پر موجودہیں ۔ سندھ نے ناردرن کو 8 رنز سے شکست دیدی۔ 222 رنز کے تعاقب میں ناردرن کی ٹیم 9 وکٹوں پر 213 رنز ہی بناسکی۔ آؤٹ فیلڈگیلی ہونے کے باعث دونوں ٹیموں کے مابین میچ 25،25 اوورز تک محدود کردیا گیا تھا۔عمر امین 66 اور عماد وسیم 53 رنز بناکر نمایاں رہے۔ سندھ نے صائم ایوب کے 57 اور دانش عزیز کے ناٹ آؤٹ 46 رنز کی بدولت 5 وکٹوںپر 221 رنز بنائے تھے۔