سرگودھا‘ لڑکی کو تنگ کرنے سے منع کرنے پر اوباشوں کی فائرنگ ، 4 افراد زخمی
سرگودھا (آئی این پی)شاہینو ں کے شہر سرگودھا میں لڑکی کو تنگ کرنے سے منع کرنے پر اوباش افراد نے فائرنگ کرکے 4 افراد کو زخمی کر دیا۔پولیس کے مطابق سرگودھا کے علاقے سلیمان پورہ میں لڑکی کو تنگ کرنے سے منع کرنے پر ملزمان نے فائرنگ کرکے لڑکی کے 3 رشتے داروں اور ایک راہ گیر کو زخمی کر دیا۔زخمیوں میں نجی ٹی وی کے کیمرہ مین ظہیر خان اور اْن کے دو بھائی بھی شامل ہیں، ملزمان نجی ٹی وی کے کیمرہ مین ظہیر خان کی بھانجی کو ہراساں کرتے تھے، تمام زخمیوں کو اسپتال منتقل کر دیا گیا ہے۔
