لاہور( سپورٹس رپورٹر)پاکستان اور آسٹریلیا کی ٹیمیں28سال کے طویل وقفے کے بعد قذافی سٹیڈیم میں آج سے ٹیسٹ میچ کھیلیں گی ۔ شیڈول کے مطابق دونوں ٹیموں کے درمیان سیریز کا تیسرا اور آخری میچ آج21 مارچ سے لاہور میں کھیلا جا ئیگا۔دونوں ٹیمیںآخری بار قذافی سٹیڈیم میں 1994ء میں آمنے سامنے آئی تھیں۔پاکستان اور آسٹریلیا کے مابین تین میچوں کی ٹیسٹ سیریز میں سے دو میچ بغیر کے نتیجے کے ختم ہوئے ۔2009ء میں سری لنکن ٹیم پر حملہ کے بعد لاہور ٹیسٹ کرکٹ کی میزبانی کریگا۔پاکستان اور آسٹریلیا کی ٹیموں نے تیسرے ٹیسٹ میچ سے قبل ٹریننگ سیشن میں شرکت کی۔دونوں ٹیمیں تین گھنٹے تک سٹیڈیم میں ٹریننگ کی اور کھلاڑیوں نے فزیکل ٹریننگ کیساتھ فیلڈنگ اور نیٹ پریکٹس میں حصہ لیا۔کھلاڑیوں نے فیلڈنگ ‘بائولنگ اور بیٹنگ پریکٹس کے ساتھ ساتھ فٹ بال بھی کھیلا ۔ میچ صبح 10بجے شروع ہوگا۔