لاہور(سپورٹس رپورٹر)پاکستان ڈیف کرکٹ ایسوسی ایشن کے زیر اہتمام بنک آف پنجاب ٹی ٹونٹی نیشنل ڈیف کرکٹ چیمپئن شپ آج پیر سے پنجاب یونیورسٹی گراونڈ لاہور میں شروع ہوگی۔ 26 مارچ تک جاری رہنے والی چیمپئن شپ میں 18 ٹیمیں حصہ لے رہی ہیں جنہیں چھ گروپس میں تقسیم کیا گیا ہے۔ روزانہ چھ میچ کھیلے جائیں گے، 24 مارچ کو کوارٹر فائنلز، 25 مارچ کو سیمی فائنل جبکہ 26 مارچ کو فائنل میچ کھیلا جائیگا۔ پاکستان ڈیف کرکٹ ایسوسی ایشن کے صدر عرفان معراج کا کہنا ہے کہ ایک لمبے عرصہ کے بعد ڈیف کرکٹ کی سرگرمیاں بحال ہو رہی ہیں، جس میں ملک بھر سے بڑی تعداد میں ایسوسی ایشنز کی ٹیمیں حصہ لے رہی ہیں۔