اسلام آباد (اے پی پی)ملک سے نیٹ وئیرزکی برآمدات میں رواں مالی سال کے پہلے 8 ماہ میں گزشتہ مالی سال کی اسی مدت کے مقابلہ میں 34 فیصدکی نموریکارڈکی گئی ہے۔سٹیٹ بینک اورادارہ شماریات کے مطابق جولائی سے فروری تک نیٹ وئیرزکی برآمدات سے ملک کو3.302 ارب ڈالرکازرمبادلہ حاصل ہواجوگزشتہ مالی سال کی اسی مدت کے مقابلہ میں 34 فیصدزیادہ ہے، گزشتہ مالی سال کی اسی مدت میں نیٹ وئیرزکی برآمدات سے ملک کو2.467 ارب ڈالرکازرمبادلہ حاصل ہواتھا۔فروری میں نیٹ وئیرزکی برآمدات کاحجم 414 ملین ڈالرریکارڈکیاگیاجوگزشتہ سال فروری کے مقابلہ میں 42 فیصدزیادہ ہے، گزشتہ سال فروری میں نیٹ وئیرزکی برآمدات سے ملک کو292 ارب ڈالرکازرمبادلہ حاصل ہواتھا۔