کراچی(این این آئی)بھارت سے قطر جانے والی مسافر پرواز کی کراچی میں ہنگامی لینڈنگ کرائی گئی ہے۔تفصیلات کے مطابق غیر ملکی ایئر لائن کی دہلی سے دوحہ قطر جانے والی پرواز کے جہاز میں فنی خرابی پیش آئی، جس کے بعد طیارے کی کراچی جناح انٹر نیشنل ایئر پورٹ پر ہنگامی لینڈنگ کرائی گئی۔ کپتان کو طیارے کے کارگو ہولڈ میں اسموک سگنل ملا جس کی وجہ سے طیارے کو کراچی ایئر پورٹ اتارا گیا ، پرواز میں 12 کریو ممبرز اور 283 مسافر سوار تھے۔ذرائع سی اے اے نے کہا کہ طیارے کو رن وے نمبر ایک پر پارک کروا کے مسافروں کو ٹرانزٹ لائونج میں شفٹ کردیا گیا ہے۔