لاہور(سپورٹس رپورٹر)پاکستان کیخلاف ون ڈے سیریز کیلئے آسٹریلوی سکواڈ آج پاکستان پہنچے گا۔ ون ڈے اور ٹی ٹونٹی کے کپتان ایرون فنچ نے کہا ہے کہ وہ دورہ پاکستان کیلئے پرجوش ہیں۔پاکستان کیخلاف 3 ون ڈے اور ایک ٹی ٹونٹی انٹرنیشنل میچ کیلئے آسٹریلیا کی محدود اوورز کی ٹیم کے کپتان ایرون فنچ اور دیگر کھلاڑی آج پاکستان پہنچیں گے۔ایرون فنچ نے ٹوئٹر پر ٹریننگ کی تصاویر اپ لوڈ کرتے ہوئے لکھا کہ پاکستان جانے سے قبل میلبورن میں کچھ دن اچھی ٹریننگ کی۔ میں انتظار نہیں کر سکتا کہ پاکستان پہنچ کر جلدی سے ون ڈے اور ٹی ٹونٹی سیریز میں حصہ لوں۔پاکستان اور آسٹریلیا کے مابین ون ڈے سیریز 29 مارچ سے لاہور میں شروع ہوگی۔لاہور میں 3 ون ڈے میچز کے بعد ایک ٹی ٹونٹی بھی کھیلا جائیگا۔