لاہور(سپورٹس رپورٹر)پاکستان کرکٹ کپ کے سلسلہ میں فیصل آباد میں کھیلے گئے میچ میں خیبر پی کے نے بلوچستان کو 49 رنز سے ہرا دیا۔284 رنز کے تعاقب میں بلوچستان کی پوری ٹیم 234 رنز پر آؤٹ ہوگئی۔ ایاز تصور 70، محمد سعد 43 اور عمران بٹ 42 رنز بنا کر نمایاں رہے۔ خالد عثمان 3 جبکہ ثمین گل، مہران آفریدی اور کامران غلام نے 2،2 وکٹیں حاصل کیں۔ اس سے قبل عادل امین کے 92 رنز کی بدولت خیبر پی کے نے 8 وکٹوں پر 283 رنز بنائے تھے۔ تاج ولی، جلات خان اور محمد شاہد نے 2،2 کھلاڑیوں کو آؤٹ کیا۔ پاکستان کپ کا پہلا سیمی فائنل 28 مارچ کو خیبرپی کے اورسنٹرل پنجاب کے مابین کھیلا جائیگا۔دوسرے سیمی فائنل میں بلوچستان اور سندھ کی ٹیمیں 30 مارچ کو مدمقابل آئیں گی۔ ٹورنامنٹ کا فائنل یکم اپریل کو کھیلا جائیگا۔