لاہور(سپورٹس ڈیسک ) پولینڈ کی ایگا سویٹیک 2000 کی دہائی میں پیدا ہونے والی پہلی کھلاڑی بنیں گی جو عالمی نمبر ایک بنیں گی۔پولینڈ کی ایگا سویٹیک نے کہاہے کہ میامی میں دوسرے راؤنڈ میں جیت کے بعد عالمی نمبر ایک بننا "حقیقی" ہے جس کا مطلب ہے کہ وہ اس کھیل سے ریٹائر ہونے والی ایشلی بارٹی سے عہدہ سنبھالیں گی۔20 سالہ سویٹیک پولینڈ کی پہلے کھلاڑی ہیں جو رینکنگ میں سرفہرست ہیں۔سویٹیک نے کہاکہ میں نے واقعی اس لمحے کا تصور بھی نہیں کیا تھا کیونکہ سچ کہا جائے تو میں دن بہ دن کام کررہی تھی۔