ٹائون شپ وائٹ نے کرنل فتح شیر خان میموریل ٹی ٹونٹی ٹورنامنٹ جیت لیا
لاہور (سپورٹس رپورٹر)ٹاؤن شپ وائٹس کلب نے میزبان ماڈل ٹاؤن گرینز کلب کو ایک وکٹ سے شکست دے کر کرنل فتح شیر خان میموریل ٹی ٹونٹی ٹورنامنٹ جیت لیا ۔ماڈل ٹاؤن گرینز گراونڈ پر میزبان ٹیم 130 رنزبناکر آؤٹ ہو گئی ۔ محمد یاسین اور محمد بلاول نے تین تین کھلاڑیوں کو آؤٹ کیا۔ ٹاؤن شپ وائٹس کلب نے نو وکٹوں پر 131 رنز بناکر کامیابی حاصل کرلی۔ کامران افضل مین آف دی میچ قرار پائے ۔ ماڈل ٹاؤن گرینز کے احمد عارف ٹورنامنٹ کے بہترین باؤلر، ٹاؤن شپ وائٹس کے نعیم خان ٹورنامنٹ کے بہترین بلے باز اور پلیئر آف دی ٹورنامنٹ قرار پائے۔
