لاہور(سپورٹس رپورٹر)ڈومیسٹک سیزن 22-2021 کا آخری ٹورنامنٹ، پاکستان کپ کا سیمی فائنل مرحلہ آج سے کھیلا جائیگا۔پیر اور بدھ کو ہونے والے دونوں سیمی فائنلز ملتان کرکٹ سٹیڈیم میں کھیلے جائیں گے۔ ٹورنامنٹ کا فائنل بھی یکم اپریل کو اسی مقام پر کھیلا جائیگا۔دفاعی چیمپئن خیبرپی کے کی ٹیم نے ڈومیسٹک سیزن کا مسلسل چھٹا ٹائٹل جیتنے پر نظریں مرکوز کر رکھی ہیں۔ ٹورنامنٹ کا پہلا سیمی فائنل خیبرپی کے اور سنٹرل پنجاب کے مابین آج صبح 9:30 بجے کھیلا جائیگا۔ بلوچستان اور سندھ کی ٹیمیں ایونٹ کے دوسرے سیمی فائنل میں بدھ کو مدمقابل آئیں گی۔