قومی ویمنز ٹیم کراچی پہنچ گئی، ورلڈ کپ میں صرف ایک میچ جیت سکی
لاہور ( سپورٹس رپورٹر) آئی سی سی ویمنز کرکٹ ورلڈ کپ میں مایوس کن کارکردگی کا مظاہرہ کرنیوالی پاکستانی ٹیم وطن واپس پہنچ گئی ۔ قومی ٹیم میگا ایونٹ میں صرف ایک میچ جیت سکی۔نیوزی لینڈ میں ہونے والے ویمنز ورلڈ کپ میں شرکت کے بعد پاکستان ٹیم کراچی پہنچ گئی، جہاں سے کھلاڑی اپنے اپنے گھروں کو روانہ ہوئیں۔ورلڈ کپ میں پاکستان ویمنز ٹیم کی کارکردگی انتہائی مایوس کن رہی، اسے میگا ایونٹ کے 7 میچز میں سے 6 میں شکست کا سامنا کرنا پڑا اور صرف ایک میچ میں کامیابی ملی۔
