اسلام آباد (اپنے سٹاف رپورٹر سے) وفاقی دارالحکومت میں دہشت گردی کا بڑا منصوبہ ناکام بنادیا گیا چار مبینہ دہشت گردوں کو مونومینٹ شکرپڑیاں سے گرفتار کر لیا گیا ایک مبینہ دہشت گرد فرار ہو گیا گرفتار دہشت گردوں کے قبضے سے دھماکہ خیز مواد اور ڈیٹونیٹر بھی برآمد کرلئے گئے سی ٹی ڈی اسلام آباد کے مطابق اسے مخبر خاص نے اطلاع دی شکرپڑیاں میں مشکوک افراد موجود ہیں جو کسی تخریبی کارروائی کی منصوبہ بندی میں مصروف ہیں اس اطلاع پر ریڈنگ پارٹی نے موقع پر پہنچ کر دیکھا تو جنگل ایریا میں بیٹھے پانچ افراد ریڈنگ پارٹی کو دیکھتے ہی سہم گئے اور فرار ہونے کی کوشش کی چار ملزم موقع پر گرفتار کرلئے گئے ۔ دہشت گردوں کے قبضے سے دھماکہ خیز مواد، دو عدد ڈیٹونیٹر، مختلف سائز کی لوہے کی کیلیں اور بال بیرنگ برآمد کر لئے گئے جن کا مجموعی وزن 950 گرام تھا۔  گرفتار دہشت گردوں کا تعلق کالعدم تحریک طالبان پاکستان سے بتایا گیا ہے اور وہ اسلام کے مختلف علاقوں کے رہائشی ہیں دوران تفتیش ملزموں نے انکشاف کیا وہ اسلام آباد میں سیاسی جلسوں اور جلوسوں میں تخریب کاری کا منصوبہ بنا رہے تھے ۔.
دہشت گرد گرفتار