شہباز شریف سے بلاول کی ملاقات پنجاب میں حکمت عملی قومی اسمبلی اجلاس پر تبادلہ خیال
اسلام آباد (خبرنگار) بلاول بھٹو زرداری گزشتہ روز محمد شہباز شریف کی رہائش گاہ گئے اور ملاقات کی۔ بلاول بھٹو زرداری نے حمزہ شہباز، اختر مینگل، غفور حیدری سمیت دیگر اپوزیشن رہنماؤں سے بھی ملاقات کی۔ بلاول کے ساتھ شیری رحمان اور نوید قمر بھی موجود تھے۔ بلاول بھٹو زرداری، شہباز شریف، حمزہ شہباز، اختر مینگل اور غفور حیدری سمیت دیگر اپوزیشن رہنماؤں نے تحریک عدم اعتماد کے معاملے پر تفصیلی تبادلہ خیال کیا گیا۔ مسلم لیگ ق کی حکومت کی حمایت اور صوبہ پنجاب میں آئندہ کی حکمت عملی کے حوالے سے بھی گفت وشنید ہوئی۔ اپوزیشن قائدین نے تحریک عدم اعتماد کے حوالے سے قومی اسمبلی اجلاس کی حکمت عملی پر بھی گفتگو کی گئی۔
بلاول/ شہباز
