فیروزوالہ (نامہ نگار) ڈکیتی ،راہزنی اور نقب زنی کی6 وارداتوں میں ڈاکوؤں  نے شہریوں کو لاکھوں روپے کی رقم اور زیورات سے محروم کردیا ۔ کوٹ عبدالمالک کے قریب ڈاکوؤں نے بنک سے رقم لے کر آنے والے فیکٹری مالک ذوالفقار احمد کو روک کر لوٹ لیا ‘ڈاکو11 لاکھ روپے کی رقم چھین کر لے گئے ۔ جی ٹی روڈ کی آبادی رانا ٹاؤن کے قریب ڈاکوؤں نے موٹر محمد علی کو روک لوٹ لیا‘ ڈاکو نقدی، موٹرسائیکل اور موبائل چھین کر لے گئے ۔امام خمینی میں چوروں نے محمد سلطان کے گھر داخل ہو کر 4لاکھ روپے کی رقم اور8 لاکھ روپے کے  زیورات دیگر سامان چوری کر کے لے گئے۔ چوروں نے علی اور محمد سلیم کی حویلی میں داخل ہو کر لاکھوں روپے مالیت کے مویشی چوری کر کے لے گئے۔ نامعلوم افراد نے دو موٹر سائیکل چوری کرلیا۔ پولیس نے مقدمات درج کر لئے۔