لاہور (نامہ نگار)کوٹ لکھپت کے علاقے میں فیروز پور روڈپر شنگھائی برج کے قریب کارپوریشن کے ٹرک کی ٹکر سے موٹر سائیکل سوارمعمر خاتون جاں بحق جبکہ اس کاشوہر شدید زخمی ہو گیا ہے۔جاں بحق خاتون کی شناخت 60 سالہ لطیفاں بی بی کے نام سے ہوئی: زخمی ارشد علی کو  جنرل ہسپتال منتقل کردیا گیا ہے۔پولیس کا کہنا ہے کہ ٹرک ڈرائیور موقع سے فرار ہو گیا ہے پولیس نے خاتون کی نعش پوسٹ مارٹم کیلئے مردہ خانے جمع کرا دی ہے۔ پولیس کے مطابق فرار ہونے والے ڈرائیورکو جلدگرفتار کر لیا جائے گا۔