لاہور (سٹاف رپورٹر+ سپیشل رپورٹر) عثمان بزدار کی وزیراعلی آفس کے سٹاف سے الوداعی ملاقات ہوئی۔ عثمان بزدار نے سٹاف ممبرز کے پاس جا کر مصافحہ کیا، شکریہ ادا کیا اور آفس کے سٹاف کی خدمات کو سراہا۔ انہوں نے کہا کہ وزیراعلی آفس کے سٹاف نے دن رات کام کیا اور اپنی ذمہ داریاں بطریق احسن ادا کیں۔ عثمان بزدار نے کہا کہ دیانتداری سے شب و روز فرائض سرانجام دینے والے سرکاری ملازمین کی دل سے قدر کرتا ہوں۔ انہوں نے کہا کہ  سب کا شکریہ ادا کرتا ہوں، محبتوں کو فراموش نہیں کرسکتا۔ وزیراعلی آفس سے خوشگوار یادیں لیکر جارہا ہوں، میرے دروازے آپ سب کے لئے پہلے بھی کھلے تھے اور آئندہ بھی کھلے رہیں گے۔ سپیشل رپورٹر کے مطابق عثمان بزدار نے کہا وفاقی حکومت نے گورنر پنجاب کو تبدیل کیا ہے۔ دوسری پارٹی سے مل کر بندے توڑنے والی بات نہیں کہہ سکتا۔