لاہور(سپورٹس رپورٹر)  پاکستان کا دورہ کرنے والے آسٹریلوی کرکٹرز پاکستان کی مہمان نوازی گن گانے لگے۔ ٹویٹر پر لکھتے ہیں کہ پاکستان میں آخری صبح ہے، بہترین مہمان نوازی اور سنہری یادوں کیساتھ پاکستان کا شکریہ، حقیقی معنوں میں پاکستان کھیلوں سے پیار کرنے والا ملک ہے۔ شکریہ لاہور، راولپنڈی، اور کراچی۔لیگ سپنر ایڈم زمپا کپتان بابراعظم کے گرویدہ ، ان کا کہنا ہے کہ خوش ہوں کہ اب بابر اعظم کو مزید باولنگ نہیں کرنا پڑیگی  انہیں کھیلتا دیکھنا بہت شاندار ہوتا ہے۔جوش انگلس کے مطابق بابر اعظم، شاہین شاہ آفریدی اور محمد رضوان جیسے ورلڈ کلاس کرکٹرز کی موجودگی میں ٹی ٹونٹی میچ کیساتھ ٹیسٹ سیریز میں کامیابی کی بہت خوشی ہے۔بدقسمتی سے ون ڈے سیریز نہیں کھیل پایا، لیکن یہاں کھیلنے کا بہت مزاآیا۔ آپ کی محبت اور مہمان نوازی ہمیشہ یاد رہے گی۔