لاہور (سپورٹس رپورٹر)سنٹرل پنجاب ویک اینڈ سکول کرکٹ چیمپئن شپ 22-2021 کا فائنل آج کو قذافی سٹیڈیم لاہور میں کھیلا جائے گا۔ دار ارقم اسکول لاہور اور فیصل آباد کے ڈویژنل پبلک سکول کی ٹیمیں مدمقابل آئیں گی۔دو روزہ پنک بال فائنل پی ٹی وی سپورٹس اور پی سی بی کے یوٹیوب چینل پر براہ راست نشر کیا جائیگا۔ ڈے اینڈ نائٹ میچ کا پہلا سیشن شام 4 سے 6 بجے تک کھیلا جائیگا۔ دوسرا سیشن رات 7:10 سے 9:10 بجے اور تیسرا سیشن 9:30 سے 11:30 تک جاری رہے گا۔ٹورنامنٹ کی فاتح کو پانچ لاکھ روپے کی رقم دی جائے گی۔ رنرزاپ کو تین لاکھ روپے کا چیک دیا جائے گا۔ ایونٹ کے بہترین بیٹر، بہترین باؤلر، بہترین آلراؤنڈر اور بہترین وکٹ کیپر کو 25 ہزار روپے کی رقم دی جائیگی۔ٹورنامنٹ کا آغاز اکتوبر 2021 میں ہوا تھا۔ ایونٹ میںسنٹرل پنجاب کے پانچ اضلاع کی 33 ٹیموں نے شرکت کی تھی۔ 29 مختلف وینیوز پر کھیلے گئے ٹورنامنٹ میں 660 کھلاڑیوں نے شرکت کی۔