اوکاڑہ میں فوڈ اتھارٹی نے 36 ہزار گندے انڈوں سے بھری گاڑی پکڑ لی
اوکاڑہ (نامہ نگار) اوکاڑہ پنجاب فوڈ اتھارٹی کی ماہ رمضان میں بڑی کارروائی، اوکاڑہ بائی پاس پر 36,000 گندے انڈوں سے بھری گاڑی پکڑ لی گئی۔ ڈرائیور موقع پر گرفتار، گاڑی پولیس کے حوالے کر دی۔ ملزموں کے خلاف تھانہ صدر میں ایف آئی آر درج، فنگس زدہ، بدبودار انڈے موقع پر تلف کر دیئے گئے۔ ہزاروں انڈے شہر بھر میں بیکریوں پر سپلائی کیے جانے تھے۔ خراب انڈوں سے ہزاروں کلوگرام کیک رس، بریڈ اور دیگر آئٹمز تیار کر کے فروخت کیے جانے تھے۔
