لاہور(سپورٹس رپورٹر )پاکستان کرکٹ بورڈ نے نیشنل مینز اور ویمنز کرکٹ ٹیموں کی آئندہ 12 ماہ کی مصروفیات پر مشتمل مکمل بین الاقوامی کرکٹ سیزن کی تفصیلات جاری کردی ہیں۔ مئی 2022 سے مئی 2023 تک پانچ مینز اور پانچ ویمنز غیر ملکی کرکٹ ٹیمیں پاکستان کا دور ہ کریں گی۔اس دوران قومی مینز کرکٹ ٹیم 7 ٹیسٹ، 17 ون ڈے اور 25 ٹی ٹونٹی انٹرنیشنل میچز کھیلے گی۔آئی سی سی ورلڈ ٹیسٹ چیمپئن شپ میں شامل 7 ٹیسٹ میچز میں سے 2 سری لنکا، 3 انگلینڈ اور 2 نیوزی لینڈ کیخلاف کھیلے جائیں گے۔آئی سی سی مینز ورلڈ کپ سپر لیگ میں شامل 12 ون ڈے انٹرنیشنل میچز ویسٹ انڈیز، سری لنکا، نیوزی لینڈ اور نیدر لینڈز کیخلاف کھیلے جائیں گے۔اس عرصہ کے دوران قومی ٹیم اے سی سی ٹی ٹونٹی ایشیا کپ اور آئی سی سی مینز ٹی ٹونٹی ورلڈ کپ میں بھی شرکت کریگی۔ٹی ٹونٹی طرز کی کرکٹ میں ان دو ایونٹس کے علاوہ پاکستان ٹیم آئندہ 12 ماہ میں انگلینڈ کیخلاف 7 ، ویسٹ انڈیز کیخلاف 3 اور نیوزی لینڈ کیخلاف 5 ٹی ٹونٹی انٹرنیشنل میچز بھی کھیلے گی۔نیوزی لینڈ کی ٹیم اپریل 2023 میں دورہ پاکستان میں 5 ون ڈے انٹرنیشنل سمیت 5 ٹی ٹونٹی انٹرنیشنل میچز بھی کھیلے گی۔قومی خواتین کرکٹ ٹیم کو بھی آئندہ 12 ماہ میں چیلنجنگ کرکٹ کھیلنے کو ملے گی۔خواتین کرکٹ ٹیم 8 انٹرنیشنل سیریز کھیلے گی، ان انٹرنیشنل سیریز میں آئی سی سی ویمنز چیمپئن شپ، آئی سی سی ویمنز ٹی ٹونٹی ورلڈ کپ، کامن ویلتھ گیمز، ایشین گیمز اور اے سی سی ویمنز ٹی ٹونٹی ایشیا کپ بھی شامل ہے۔سری لنکا کی خواتین ٹیم 3 ون ڈے انٹرنیشنل میچز کھیلنے مئی میں پاکستان آئیگی، یہ پہلا موقع ہوگا جب پاکستان آئی سی سی ویمنز چیمپئن شپ کے کسی میچ کی میزبانی کریگا، مہمان ٹیم کے اس دورے میں 3 ٹی ٹونٹی انٹرنیشنل میچز بھی شامل ہیں۔قومی خواتین ٹیم ستمبر میں چین روانہ ہوگی، جہاں وہ ایشین گیمز میں شرکت کریگی، اکتوبر نومبر میں آئرلینڈ کی خواتین ٹیم پاکستان کا دورہ کریگی، اس دوران مہمان ٹیم 3 ون ڈے اور 3 ٹی ٹونٹی انٹرنیشنل میچز کھیلے گی۔پاکستان شاہینز کی بھی 19ویں ایشین گیمز میں شرکت یقینی ہے، تاہم پی سی بی پاکستان شاہینز کیلئے مزید سیریز کے انعقاد کیلئے کوشاں ہے۔ پاکستان کی انٹرنیشنل سیریز (مئی 2022 تا اپریل  2023، مقررہ تاریخوں/ مقامات کا اعلان بعد میں کیا جائیگا)24 مئی تا 5 جون: سری لنکا ویمنز کرکٹ ٹیم کا دورہ کراچی (3 ون ڈے اور 3 ٹی ٹونٹی)5 تا 12 جون: ویسٹ انڈیز مینز کرکٹ ٹیم کا دورہ راولپنڈی (3 ون ڈے انٹرنیشنل میچز)جولائی تا اگست: پاکستان مینز ٹیم کا دورہ سری لنکا (2 ٹیسٹ اور 3 ون ڈے انٹرنیشنل میچز)12 تا 24 جولائی: قومی خواتین کرکٹ ٹیم کی بیلفاسٹ میں سہ فریقی ٹی ٹونٹی سیریز میں شرکت (4 ٹی ٹونٹی انٹرنیشنل میچز)25 جولائی تا 8 اگست: قومی خواتین کرکٹ ٹیم کی برمنگھم کامن ویلتھ گیمز میں شرکت (7 ٹی ٹونٹی انٹرنیشنل میچز)اگست: پاکستان مینز کرکٹ ٹیم کا دورہ نیدر لینڈز (تین ون ڈے انٹرنیشنل میچز)یکم تا 17 ستمبر: اے سی سی مینز ٹی ٹونٹی کپ کیلئے قومی مینز کرکٹ ٹیم کی سری لنکا روانگی (5 ٹی ٹونٹی انٹرنیشنل میچز)10 تا 25 ستمبر: پاکستان ویمنز اور پاکستان شاہینز کا 19ویں ایشین گیمز میں شرکت کیلئے چین کے شہر گانگزو کا دورہ۔ستمبر تا اکتوبر: انگلینڈ مینز ٹیم کا دورہ پاکستان (7 ٹی ٹونٹی انٹرنیشنل میچز)15 اکتوبر تا 15 نومبر: آسٹریلیا میں آئی سی سی مینز ٹی ٹونٹی ورلڈ کپ:30 اکتوبر تا 19 نومبر: آئرلینڈ ویمنز کا دورہ لاہور/ کراچی (3 ون ڈے انٹرنیشنل اور 3 ٹی ٹونٹی انٹرنیشنل میچز)نومبر تا دسمبر: انگلینڈ مینز ٹیم کا دورہ پاکستان (3 ٹیسٹ میچز)نومبر تا دسمبر: اے سی سی ویمنز ٹی ٹونٹی ایشیا کپ ( 8 ٹی ٹونٹی انٹرنیشنل میچز)دسمبر تا جنوری: نیوزی لینڈ مینز ٹیم کا دورہ پاکستان (2 ٹیسٹ اور 3 ون ڈے انٹرنیشنل میچز)4 جنوری تا یکم فروری: پاکستان ویمنز ٹیم کا دورہ آسٹریلیا (3 ٹی ٹونٹی انٹرنیشنل اور 3 ون ڈے انٹرنیشنل میچز)جنوری: ویسٹ انڈیز مینز ٹیم کا دورہ پاکستان (3 ٹی ٹونٹی انٹرنیشنل میچز)جنوری تا فروری: آئی سی سی ویمنز انڈر  19 ٹی ٹونٹی ورلڈ کپ، جنوبی افریقہ۔2 تا 26 فروری: آئی سی سی ویمنز ٹی ٹونٹی ورلڈ کپ، جنوبی افریقہ۔اپریل تا مئی: نیوزی لینڈ مینز ٹیم کا دورہ پاکستان ( 5 ون ڈے انٹرنیشنل اور 5 ٹی ٹونٹی انٹرنیشنل میچز)۔