لاہور(سپورٹس رپورٹر)پاکستان ہاکی ٹیم کی ڈچ ہیڈ کوچ سیگفیڈ ایکمین کا کہنا ہے کہ میں جادو گر ہوں ، نہ میرے ہاتھ میں جادو کی چھڑی ہے، اس لیے میں ایشیا کپ سے ہی ورلڈ کپ کیلئے کوالیفائی کرنے کی گارنٹی نہیں دے سکتا۔قومی ٹیم کے کوچ سیگفیڈ ایکمین نے کہا کہ اس وقت ہمارا ٹارگٹ یہی ہے کہ ہم ورلڈ کپ کیلئے کوالیفائی کریں اور اسی کیلئے محنت کر رہے ہیں، مجھے اپنے کھلاڑیوں پر اعتماد بھی ہے۔انہوں نے کہا کہ کھلاڑی اچھا کھیل سکتے ہیں اور کھیلیں گے بھی اور ہم کوالیفائی کر سکتے ہیں اور ایسا ممکن بھی ہے لیکن یہ آسان نہیں ہے، یہ ایک چیلنج ہے۔لاہور میں ٹریننگ کیمپ کے موقع پر کہا کہ ایشیا کپ سے قبل آئندہ ہفتے یورپ کے دورے پر روانہ ہو رہے ہیں، یہ ایک اہم دورہ ہے۔ اب ہم ٹاپ ٹیموں کے خلاف کھیلیں گے، یہ ہمارے پاس ایک اچھا موقع ہے کیونکہ ٹاپ لیول پر کھیلنے کے عادی نہیں رہے ، اب اگر ہمیں موقع مل رہا ہے تو ہمیں اس سے فائدہ اٹھانا ہے۔ اس وقت ہم رینکنگ میں 18 ویں نمبر پر ہیں جبکہ یورپ میں ہمیں ٹاپ دو اور تین کیخلاف کھیلنا ہے تو اس سے ہمیں فائدہ ہوگا۔