لاہور(سپورٹس رپورٹر)نیزہ بازی ورلڈ کپ جیتنے کے عزم کیساتھ پاکستان نیزہ بازی ٹیم نے کمر کس لی، کھلاڑیوں نے غیر ملکی کوچ سے تربیت لینا شروع کردی ہے۔ جنوبی افریقہ سے تعلق رکھنے والی آئی ٹی ایف ورلڈ کلاس کوچ ڈیلائن پخشا ماڈرن پاکستانی کھلاڑیوں کی کوچنگ کررہے ہیں۔اس سلسلے میں جھنگ میں تربیتی کیمپ لگایا گیا ہے جہاں ڈیلائن پخشا پاکستانی نیزہ بازوں کو تربیت دے رہے ہیں۔اس حوالے سے جنوبی افریقی کوچ ڈیلائن کا کہنا ہے کہ پاکستانی کھلاڑی نیزہ بازی ورلڈ کپ جیتنے کی مکمل صلاحیت رکھتے ہیں۔ پاکستان نیزہ بازی ٹیم کے کپتان نے کہا کہ جنوبی افریقی کوچ ماڈرن انداز سے کوچنگ کررہی ہیں۔واضح رہے کہ نیزہ بازی کا ورلڈکپ آئندہ سال جنوبی افریقہ میں کھیلا جائیگا ۔جبکہ نیزہ بازی ورلڈ کپ کوالیفائرز پاکستان میں ہونگے۔