شیخوپورہ+ نواں کوٹ (نمائندہ خصوصی+ نامہ نگار) دومختلف واقعات میں دوبھائیوں نے فائرنگ کرکے اپنے سگے بھائی قتل کردیئے۔ شیخوپورہ، تھانہ صدر کے علاقہ ماچھی کے میں گھر میں معمولی جھگڑے پر فائرنگ کرکے بھائی نے سگے بھائی کو قتل کردیا۔ بتایا گیا ہے کہ جہانزیب کا اکثر گھر میں جھگڑا رہتا تھا جس سے دلبرداشتہ ہوکر علی نے فائرنگ کر کے جہانزیب کو موت کے گھاٹ اتار دیا ہے پولیس نے نعش کو قبضہ میں لیکر کارروائی شروع کردی ہے دوسرے واقع میں تھانہ بھکھی کے علاقہ جیون پورہ میں معمولی جھگڑے پر طارق سراء نے فائرنگ کر کے اپنے بھائی امجد کو قتل کر دیا عید کے خرچہ کی وجہ سے گھر میں معمولی لڑائی ہوئی جس پر طیش میں آکر طارق نے فائرنگ کرکے امجد کو قتل کردیا۔