لاہور(سپورٹس ڈیسک )سری لنکا نے بنگلہ دیش میں اگلے ماہ ہونے والی دو ٹیسٹ میچوں کی سیریز سے قبل نئے ہیڈ کوچ کرس سلور ووڈ کی مدد کیلئے چار نئے کوچنگ سٹاف کا اعلان کیا۔سری لنکا کرکٹ نے کہا کہ سری لنکا کے سابق ٹیسٹ کھلاڑی نوید نواز کو دو سال کیلئے اسسٹنٹ کوچ مقرر کیا گیا ہے۔نواز 2020 میں انڈر 19 ورلڈ کپ جیتنے والی بنگلہ دیشی جونیئر ٹیم کے ہیڈ کوچ رہ چکے ہیں۔کرکٹ بورڈ نے فاسٹ باؤلنگ کیلئے چمندا واس، سپن کیلئے پیال وجیتونگے اور فیلڈنگ کیلئے منوج ابیوکراما کا بھی اعلان کیا۔