لاہور(سپورٹس ڈیسک ) آسٹریلیا کی سابق عالمی نمبر ایک ایشلے بارٹی کے تیسرے کھیل میں کیر یئر بنانے کیلئے گالف سیریز میں شرکت کرنے کا امکان ہے ۔25 سالہ بارٹی نے مارچ میں ٹینس سے ریٹائرمنٹ کا اعلان کیا تھا، جولائی میں آئیکونز سیریز میں کھیلیں گی۔مانچسٹر سٹی کے باس پیپ گارڈیوولا اور 23 بار کے اولمپک چیمپئن مائیکل فیلپس حصہ لینے والے دیگر ستاروں میں شامل ہیں۔بارٹی نے کہا کہ یہ تفریح کرنے، اپنے آپ کو آزمانے اور مقابلہ کرنے کا ایک منفرد موقع ہے۔میں سیریز میں اپنی شرکت کے ذریعے امید کرتی ہوں کہ ہم دنیا بھر میں زیادہ سے زیادہ خواتین اور لڑکیوں کو گالف میں حصہ لینے کی ترغیب دے سکتے ہیں۔