شیخوپورہ(نمائندہ خصوصی)تحریک انصاف کے رہنما وامیدوار صوبائی اسمبلی چودھری اویس عمر ورک کی قیادت میں لاہور جلسہ میں شرکت کیلئے قافلہ روانہ ہوا جس میںفہد رسول ورک ، سید باقر حسین ، شیخ ارسلان ، محمد حسن ، عارف رامے ، عالم بٹر ، رانا علی ، عمر ہنجرا، وقاص ورک ، احسن جوئیہ سمیت پارٹی عہدیداروں ، کارکنان اور معززین علاقہ کی بڑی تعدادنے شرکت کی روانگی سے قبل خان پور کلہ میں صحافیوںسے گفتگو کرتے چودھری اویس عمر ورک نے کہا کہ شیخوپورہ سے ہزاروں افراد کی لاہور جلسہ میں شرکت سے واضح ہوگیا ہے کہ شیخوپورہ کسی سیاسی جماعت کا لاڑکانہ یا گڑھ نہیں بلکہ تحریک انصاف کا مضبوط ترین قلعہ ہے شیخوپورہ کے عوام قومی دولت لوٹنے والوں کے ساتھ نہیںبلکہ عزت ،غیرت اور پاکستان کی حقیقی خودمختاری کی جنگ لڑنے والے عمران خان کے سپاہی بن چکے ہیں ۔ امریکی غلامی قبول نہ کرنے کی پاداش میں عمران خان کی حکومت کو ختم کیا گیاہے لیکن اس وقت پوری قوم عمران خان کے ساتھ ہے اور امپورٹڈ حکومت کے خلاف کھڑی ہے۔