گوجرانوالہ (نمائندہ خصوصی)مسلم لیگ ن کے سٹی نائب صدر جمشید ایوب بٹ نے کہا ہے کہ انجینئر خرم دستگیر خان کا وفاقی وزیر بننا خوش آئند ہے ، گوجرانوالہ کے عوام کی بہترین نمائندگی ہوگی شہر کے لئے کئی میگا پراجیکٹس کی توقع ہے ، صحافیوں سے بات چیت کرتے ہوئے انہوںنے کہا کہ انجینئر خرم دستگیر خان حقیقی معنوں میں فخر گوجرانوالہ ہیں انکے والد غلام دستگیر خان نے اپنے دور میں جس طرح گوجرانوالہ کے عوام کی خدمت کی انکے فرزندانجینئر خرم دستگیر خان نے وہ سلسلہ جاری رکھا ہے اور گوجرانوالہ کی شاندار انداز میں نمائندگی کر کے اسے ترقی یافتہ شہروں کی صف میں لاکر کھڑا کر دیا ہے بد قسمتی سے پچھلے چار سال میں نااہل ٹولے نے گوجرانوالہ کے لئے کوئی پراجیکٹ شروع نہیں کیا جسکی وجہ سے کئی اہم سڑکیں ٹوٹ پھوٹ کا شکار ہو چکی ہیں لیکن اب توقع ہے کہ مسلم لیگ ن کی موجودہ حکومت میں شہر کے لئے بہتر منصوبہ بندی کے ساتھ نئے میگا پراجیکٹ لائے جائیںگے اس حوالے سے ایک بار پھر انجینئر خرم دستگیر خان کا کردارکلیدی ہو گا ۔