لاہور( بزنس رپورٹر) ٹیلی کمیونی کیشن ایمپلائز کوآپریٹو ہائوسنگ سوسائٹی کے صدر رانا محمد اکمل نے اپنے ایک بیان میں کہا ہے کہ عید الفطر  کے موقع پر اپنے ہمسائیوں اور قرب و جوار میں رہنے والے غریب اور بے روزگار افرادکو بھی عید کی خوشیوں میں شامل کریں۔ انہیں دودھ ،آٹا ،دالوں سمیت کچھ رقم نقد بھی دی جائے تاکہ وہ لوگ بھی عید کی خوشیوں میں شامل ہو سکیں۔ انہوں نے کہا کہ مخیر حضرات کو چاہئے کہ وہ ایسے افراد کی مدد کریں ۔ انہوں نے مزید کہا کہ عیدالفطر کے موقع پر سوسائٹی کو بہترین انداز میں سجائیں گے ، صفائی ستھرائی کا خیال رکھا جائے گا ، پارکس کی صفائی کرائی جائیگی تاکہ اہلیان سوسائٹی عید کے دنوں میں لطف اندوز ہو سکیں۔ انہوں نے کہا کہ مساکین، غرباء کا بھی خیال رکھا جائے گا ان کی ہر ممکن مدد کی جائیگی۔انہوں نے مزید کہا کہ عیدالفطر کے دنوں میں سوسائٹی میں سکیورٹی کا بہترین انتظام کیا جائے گا  تاکہ اہلیان سوسائٹی بلا خوف و خطر عیدالفطر کی خوشیاںمنائیں۔