لاہور(سپورٹس ڈیسک) بالی ووڈ کے بادشاہ شاہ رخ خان نے لاس اینجلس میں ورلڈ کلاس کرکٹ سٹیڈیم بنانے کا اعلان کیا ہے۔ رپورٹس کے مطابق شاہ رخ خان امریکہ کے شہر لاس اینجلس کے پوش علاقے میں کرکٹ کے ورلڈ کلاس سٹیڈیم بنانے کا ارادہ رکھتے ہیں۔اس سٹیڈیم کا رقبہ 15ایکڑ زمین پر پھیلا ہوگا جس میں 10 ہزار شائقین کرکٹ میچ دیکھ سکیں گے۔اداکار نے یہ معلومات خود بھی سوشل میڈیا پر شیئر کی ہیں جس میں انہوں نے اپنی کرکٹ ٹیم کولکتہ نائٹ رائیڈرز اور ایم ایل کرکٹ کے درمیان ہونے والے معادہ کی معلومات کو شیئر کیا ہے۔میڈیا رپورٹس ہیں کہ اس منصوبے پر کئی ملین ڈالرز کی سرمائی کاری کی جائے گی جس کے تحت سٹیڈیم کو ماہر تعمیرات کی نگرانی میں تعمیر کیا جائے گا۔