لاہور(کلچرل رپورٹر) اداکارہ منشا پاشا اور ان کی بہنوں نے مل کر اپنے مرحوم والد کی یاد میں ایک مسجد تعمیر کروائی ہے۔ منشا پاشا نے فوٹو اینڈویڈیو شیئرنگ ایپ انسٹاگرام پر اپنے مرحوم والد ڈاکٹر طارق پاشا میمن کی یاد میں تعمیر کروائی گئی مسجد کی ویڈیوز اور تصاویر شیئر کی ہیں۔ انہوں نے اپنی پوسٹ کے کیپشن میں لکھا ہے کہرمضان کے مقدس مہینے میں ہم اپنے والد کی محبت بھری یاد میں کراچی سے تقریبا 4 گھنٹے کے فاصلے پر ایک قریبی گاں میں ایک مسجد مکمل کرنے میں کامیاب ہوئے۔ہم خاص طور پر ان تمام لوگوں کے مشکور ہیں جنہوں نے اس کام کا بیڑا اٹھایا اور اس مبارک مہینے میں اسے مکمل کرنے میں کامیاب ہوئے۔منشا پاشا نے اپنی پوسٹ کے آخر میں مداحوں سے اپنے مرحوم والد کے لیے دعا کرنے کی درخواست بھی کی۔