لاہور(کلچرل رپورٹر) پاکستانی فلمی شائقین چار عیدیں گزر جانے اور دو سال بعد پہلی بار عید کے موقع پر سینما گھروں میں اردو فلمیں دیکھ سکیں گے اور اس عید پر صبا قمر، ہانیہ عامر، نیلم منیر اور امر خان کی فلموں کا مقابلہ ہوگا۔صبا قمر اور زاہد احمد کی گھبرانا نہیں ہے نیلم منیر اور احسن خان کی چکر ہانیہ عامر اور علی رحمن کی پردے میں رہنے دو اور امر خان اور عمران اشرف کی فلم دم مستم کا ایک دوسرے سے مقابلہ ہوگا۔چاروں فلموں کو کہانی اور کاسٹ سمیت ان کے گانوں کی وجہ سے کافی سراہا جا رہا ہے جس کی وجہ سے سینما گھروں کی رونقیں بحال ہونے کا امکان ہے۔