لاہور(خصوصی نامہ نگار) دارالعلوم جامعہ نعیمیہ کے ناظم اعلیٰ علامہ ڈاکٹرراغب حسین نعیمی عیدالفطر کے موقع پراپنے پیغام میں کہا کہ مخیرحضرات عیدکی خوشیوں میں غریبوں کویادرکھیں۔سفید پوش افراد جو کسی کے سامنے ہاتھ نہیں پھیلا سکتے ، ان کی مدد کریں۔عید الفطر کے ایام میں دکھی بے سہارا اور عسرت زدہ انسانوں کی دلجوئی کیلئے حسب استطاعت مدد ضرور کریں۔ انسانیت سے حسن سلوک اور دکھی انسانوں کی مدد ہی اسلام اور انسانیت کا اولین پیغام ہے۔ خدا کرے پاکستان اور عالم اسلام کو خوشحالی امن اور سلامتی نصیب ہو۔انہوں نے مزید کہاکہ غمزدہ انسانیت کی مدد دنیا اور آخرت میں کار خیر کا باعث ہے۔ آسانیاں پیدا کرکے غمزدہ انسانوں کو خوشیاں دیں ، دکھی اور تنگ دست انسانوں کی مدد کریں۔