گوجرانوالہ(نمائندہ خصوصی)گوجرانوالہ ویسٹ مینجمنٹ کمپنی نے عیدالفطر کیلئے خصوصی صفائی پلان تشکیل دے دیا، یونین کونسل سطح پرسپیشل سکوارڈز پر مشتمل ٹیمیں عید گاہوں اور مساجد کے اطراف صفائی امور سرانجام دیں گی، چیف ایگزیکٹو آفیسر عتیق الرحمن نے بتایا کہ عیدالفطر کے مقدس تہوار کے موقع پر گوجرانوالہ شہر میں صفائی کے مثالی اقدامات کے لیے آپریشنز ڈیپارٹمنٹ کو ہدایات جاری کی ہیں کہ عید الفطر کی نماز سے قبل تمام عیدگاہوں کے اندر اور مساجد کے اطراف صفائی ستھرائی کا عمل مکمل کیا جائے اور خوبصورتی کیلئے چونے کا چھڑکا اور مارکنگ کی جائے۔ منی ٹپرز، ٹریکٹرز ٹرالیاں، ویسٹ کمپکٹرز، آرم رول ٹرک، ڈمپرز سمیت دیگر مشینری کا عملہ بھی معمول کے مطابق ڈیوٹی پر موجود رہتے ہوئے اپنی ذمہ داریاں ادا کرے گا۔ ورکشاپ عملہ، لینڈ فل سائٹ اور شکایات سیل کے عملہ بھی چھٹیاں منسوخ کردی گئیں۔ صفائی آپریشنز کی مانیٹرنگ سی ای او جی ڈبلیو ایم سی سربراہی میں سنیئر منیجر آپریشنز عامر مشتاق، منیجر آپریشنز سکندر چودھری، فرحان اشرف سمیت تمام اسسٹنٹ منیجرز کریں گے۔