کامونکی(نمائندہ خصوصی)بااثر افراد نے معمر شخص کو تشدد کا نشانہ بنانے کے بعد اسکی گندم کو آگ لگاکر تباہ کردیا۔بتایا گیا ہے کہ نواحی گاؤں ملکے میں 70 سالہ ذوالفقار علی کی فصل گندم پک کر تیار تھی کہ گاؤں کے واحد،شاہد،زبیر اور رفیع وغیرہ نے زبردستی فصل کاٹنا شروع کی جس پر ذوالفقار علی نے انہیں منع کیا تو ملز موں نے آہنی راڈوں کے وار کرکے شدید زخمی کردیا۔اس دوران چھڑانے کی کوشش کرنے پر ملزموں نے اسکی بیوی عابدہ اور گاؤں کے صغیر،رمضان کوبھی تشددکا نشانہ بناڈالا۔جس کے بعد متاثرہ شخص ذوالفقار علی کو میڈیکولیگل کیلئے تحصیل ہیڈ کوارٹر ہسپتال منتقل کیا گیا تو ملزمان نے اسکی غیر موجودگی کا فائدہ اٹھاتے ہوئے ڈیڑھ لاکھ روپے مالیت گندم کی تیار فصل کو آگ لگاکر تباہ کردیا۔متاثرہ شخص ذوالفقار علی کی اہلیہ نے ملزمان کیخلاف مقدمہ کے اندراج کیلئے تھانہ صدر میں درخواست دیدی ۔