لاہور ( سپورٹس ڈیسک ) سابق فاسٹ بائولر اور لاہور قلندرز کے ہیڈ کوچ عاقب جاوید نے کہا ہے کہ عید کی چھٹیاں ہم میاں بیوی پہاڑوں پر گزارتے ہیں۔ایک بیان میں عاقب جاوید نے کہا کہ میری بیوی شاعرہ ہیں، انہیں سبزہ اور پہاڑ بہت پسند ہیں، بیٹی لندن میں پڑھ رہی ہیں، ہم میاں بیوی اکیلے رہتے ہیں۔انہوں نے کہا کہ عید تو بچپن کی ہوتی ہے، اب کیا عید ہونا ہے، بچپن کی عیدیں مجھے یاد ہیں۔ انہوں نے کہا کہ سکس ملین ڈالر مین والے بڑی بڑی ایڑھی والے جوتے پہن کر گھوما کرتے تھے۔عاقب جاوید نے کہا کہ وہی جوتے پہن کر سو جایا کرتے تھے، انہی سے چھتوں پر چھلانگیں مارا کرتے تھے۔