لاہور( این این آئی) وزیراعظم شہباز شریف اور ان کی اہلیہ تہمینہ درانی کی عید کے موقع پر لی گئی دلکش تصویر منظر عام پر آگئی۔یہ تصویر تہمینہ درانی نے اپنے ٹوئٹر اکائونٹ پر جاری کی جس میں دونوں کو ہنستے مسکراتے خوشگوار موڈ میں دیکھا جاسکتا ہے، تصویر شیئر کرتے ہوئے ساتھ ہی تہمینہ درانی نے اپنے چاہنے والوں کو عید کی مبارکباد دی۔انہوں نے لکھا کہ ہمارے تمام چاہنے والوں، میرے قارئین اور ان تمام لوگوں کو عید مبارک جو پاکستان کی ہر طرح سے خدمت کرنے کے ہمارے ارادوں پر یقین رکھتے ہیں۔ تہمینہ درانی نے دعائوں کی درخواست بھی کی اور ساتھ کہا کہ ہمیں آپ کی دعائوں کی پہلے سے کہیں زیادہ ضرورت ہے۔شہباز شریف کی اہلیہ لاہور میں ایک دس مرلہ کے گھر میں رہتی ہیں، اپنے ٹوئٹ کا آغاز بھی انہوں نے دس مرلہ لکھ کر ہی کیا ، جس سے اندازہ لگایا جارہا ہے کہ شہباز شریف نے عید اہلیہ کے ہمراہ اس دس مرلے کے گھر پر منائی ہے۔