ایشیا ہاکی کپ ، قومی ٹیم کا تر نیتی کمپ کل سے شروع
لاہور (سپورٹس رپورٹر)پاکستان ہاکی فیڈریشن نے ایشیا کپ کی تیاری کیلئے24 کھلاڑیوں پر مشتمل قومی ہاکی تربیتی کیمپ کا اعلان کردیا، قومی ہاکی کیمپ 9 مئی کو نیشنل ہاکی سٹیڈیم لاہور میں منعقد ہوگا جوکہ 2 جون تک جاری رہے گا۔اولمپین خواجہ جنید کیمپ منیجر،سیگفرائیڈ ایکمین ہیڈ کوچ،اجمل خان لودھی،اولمپیئن وسیم احمد ،اولمپیئن سمیر حسین اسسٹنٹ کوچ،عمران شاہ اور عمران بٹ گول کیپنگ کوچ ، ندیم لودھی ویڈیو اینالسٹ جبکہ عدیل اختر اور محمد اسلم فزیو تھراپسٹ ذمہ داریاں نبھائیں گے۔ جن 24 کھلاڑیوں کو قومی ہاکی تربیتی کیمپ میں بلوایا گیا ہے ان میں عبداللہ اشتیاق،گول کیپر(ماڑی پیٹرولیم)،اکمل حسین،گول کیپر (واپڈا)، مبشر علی(واپڈا) ،عماد شکیل بٹ(نیشنل بنک) ، ابوبکر محمود(نیشنل بنک)،محمد عبداللہ (ماڑی پیٹرولیم)،محمد حماد انجم(واپڈا)،ارباز احمد (ماڑی پیٹرولیم)‘رضوان علی( پاک فضائیہ) ، عبدالمنان (سوئی سدرن)،عمر بھٹہ (واپڈا) ، رانا عبدالوحید(واپڈا) ، غضنفر علی (ماڑی ہیٹرولیم) ، محمد سلمان(واپڈا) ،رومان خان(واپڈا) ، معین شکیل (واپڈا) ، علی شان(سوئی سدرن)،جنید منظور(نیشنل بنک)،اعجاز احمد(واپڈا) عبدالحنان شاہد (واپڈا) ،احمد ندیم (ماڑی پیٹرولیم) ،نوہیز زاہد (نیشنل بنک) ، رانا سہیل ریاض (سوئی سدرن) اور منیب الرحمن،گول کیپر(سوئی سدرن) شامل ہیں۔ پاکستان ہاکی فیڈریشن کی جانب سے کھلاڑیوں کو ہدایات جاری کی گئی ہیں کہ وہ کلر، وائٹ شرٹس اور ضروری سامان کے ہمراہ کیمپ منیجر اولمپین خواجہ جنید کو 9 مئی ، سہہ پہر تک رپورٹ کریں۔واضح رہے مزکورہ قومی تربیتی کیمپ ایشیا کپ جکارتہ کامن ویلتھ برمنگھم اور ایشین گیمز چائینہ کی تیاریوں کے سلسلے میں منعقد کیا جارہا ہے۔فائیو اے سائیڈ ہاکی ٹورنامنٹ کی تیاری کیلئے ٹریننگ کیمپ 8 مئی سے شروع ہوگا۔ ٹورنامنٹ سوئٹزرلینڈ کے شہر لوزین میں کھیلا جائے گا۔پاکستان ہاکی فیڈریشن کے مطابق نیشنل ہاکی سٹیڈیم میں لگائے جانے والے کیمپ میں 15 کھلاڑیوں کو مدعو کیا گیا ہے۔کھلاڑی ہیڈ کوچ اولمپئن ریحان بٹ کو رپورٹ کریں گے، اولمپئن وقاص شریف اسسٹنٹ کوچ ہوں گے۔ٹورنامنٹ 4 جون سے شروع ہوگا، قومی ہاکی ٹیم 2 جون کو سوئٹزرلینڈ روانہ ہوگی۔
