لاہور(سپورٹس ڈیسک )سری لنکا کی کرکٹ ٹیم دورہ بنگلہ دیش کیلئے ڈھاکہ پہنچ گئی۔لنکن ٹیم بنگلہ دیش کیخلاف دو ٹیسٹ میچز پر مشتمل سیریز کھیلے گی۔ ٹیسٹ سیریز 2021-2023 آئی سی سی ورلڈ ٹیسٹ چیمپئن شپ کا حصہ ہے۔ پہلا ٹیسٹ 15 مئی کو چٹاگانگ میں شیڈول ہے،جس کے بعد دونوں ٹیمیں 23 مئی سے شروع ہونے والے دوسرے اور آخری ٹیسٹ کیلئے ڈھاکہ روانہ ہوں گی۔بنگلہ دیش کی ٹیم چٹوگرام پہنچ گئی ہے اور آج سے اپنی تربیت کا آغاز کرے گی۔10 مئی سے بی سی بی الیون کی ٹیم کیخلاف دو روزہ پریکٹس میچ کھیلا جائیگا۔ ٹیم میں وکٹ کیپر بیٹر انعام الحق شامل ہیں، جنہیں حال ہی میں اختتام پذیر ہونے والے غیر معمولی بلے بازی کے دھماکے کے بعد سکواڈ میں بلایا گیا تھا۔سری لنکا کے نئے ہیڈ کوچ کرس سلور ووڈ چاہتے ہیں کہ ان کے بیٹر آزادانہ طور پر سکور کریں اور ان کے تیز گیند باز اپنے سپیل میں جلد وکٹیں حاصل کریں ۔میں سری لنکا کا مزاج چاہتا ہوں، میں چاہتا ہوں کہ لڑکے اپنا اظہار کریں۔