لاہور(سپورٹس رپورٹر)برمنگھم کامن ویلتھ گیمز میں پاکستان کا 101 رکنی دستہ 14 کھیلوں میں شرکت کریگا۔ اس بات کا فیصلہ لاہور میں پاکستان سپورٹس بورڈ اور پاکستان اولمپکس ایسوسی ایشن کے اجلاس میں کیا گیا۔پاکستان اولمپک ہاوس لاہور میں چیف ڈی مشن عابد قادری کی زیر صدارت اجلاس میں ڈی جی پاکستان سپورٹس بورڈ نے وچوئل شرکت کی اور ہر ممکن تعاون کا یقین دلایا۔ پاکستان بیڈمنٹن فیڈریشن اور پاکستان باکسنگ فیڈریشن نے گیمز کی تیاریوں کے حوالے سے تحفظات کا اظہار کر دیا، کامن ویلتھ گیمز 28 جولائی سے 8 اگست تک برمنگھم میں منعقد ہونگی، پاکستان 14 ڈسپلنز میں دستے بھجوائے گا۔