مغربی کنارہ (این این آئی)مغربی کنارے میں اسرائیلی فورسز کی فائرنگ سے الجزیرہ کی خاتون صحافی شہید ہو گئی ان کا تعلق فلسطین سے تھا۔غیر ملکی خبر ایجنسی کے مطابق الجزیرہ اور فلسطین کی وزارت صحت نے شیریں ابو اقلاح کی موت کی تصدیق کر دی ہے۔الجزیرہ کی رپورٹ کے مطابق اسرائیلی فورسز کی جانب سے خاتون صحافی شیریں ابو اقلاح کو فائرنگ کر کے قتل کرنے کی وجوہات تو سامنے نہیں آ سکی ہیں تاہم سامنے آنے والی ویڈیوز کے مطابق خاتون صحافی کے سر پر گولی ماری گئی۔ صیہونی فورسز کی فائرنگ سے جاں بحق شیریں ابو اقلاح الجزیرہ کی عربی سروس کی ممتاز صحافی تھیں۔رپورٹس کے مطابق شیریں ابو عاقلہ مغربی کنارے کے شہرجینن میں فلسطینیو کے گھروں پراسرائیلی فورسز کے چھاپوں کی کوریج کررہی تھیں اوراس دوران فلسطینیوںپرقابض اسرائیلی فوجیوں کی فائرنگ سے شیریں ابوعاقلہ بھی شہید ہوگئیں۔اسلام آباد سے خصوصی نامہ نگار کے مطابق  پاکستان نے مقبوضہ مغربی کنارے کے جنین پناہ گزین کیمپ میں اسرائیلی چھاپے کی کوریج کے دوران فلسطینی صحافی شیریں ابو عقیلہ کے قتل کی شدید مذمت کی ہے۔ ترجمان دفتر خارجہ کی جانب سے جاری ہونے والے بیان کے مطابق پاکستان کی حکومت اور عوام شیریں ابو عقیلہ کے اہل خانہ سے دلی تعزیت کا اظہار کرتے ہیں۔ بیان میں کہا گیا ہے کہ اسرائیلی خلاف ورزیوں کو بے نقاب کرنے والوں کی آواز کو خاموش کرنے کی اسرائیلی کوششیں کامیاب نہیں ہوں گی۔