لاہور کالج ویمن یونیورسٹی میں مقابلہ فن خطاطی و نمائش
لاہو(لیڈی رپورٹر) لاہور کالج برائے خواتین یونیورسٹی میں شعبہ فارسی کے زیر اہتمام مقابلہ فن خطاطی و نمائش کا انعقاد کیا گیا۔ وائس چانسلر لاہور کالج فار ویمن یونیورسٹی پروفیسر ڈاکٹر بشریٰ مرزا نے نمائش کا افتتاح کیا۔تقریب میں ایران سے ڈاکٹر تقی زادہ وائس چانسلر پیام نور یونیورسٹی، ڈاکٹر کریم نجفی ڈپٹی ڈائریکٹر فرھنگستان زبان و ادب فارسی، ڈاکٹر الہام حدادی چئیر پرسن پاکستان چئیر سعدی فاؤ نڈیشن اور آغا جعفر روناس ڈائریکٹر خانہ فرھنگ اسلامی جمہوری ایران سمیت صدر شعبہ فارسی لاھور کالج برائے خواتین یونیورسٹی پروفیسر ڈاکٹر فلیحہ زاھرا کاظمی نے شرکت کی۔ تقریب سے خطاب کرتے ہوئے ڈاکٹر تقی زادہ وائس چانسلر پیام نور یونیورسٹی ایران نے شعبہ فارسی لاھور کالج برائے خواتین یونیورسٹی کی دس طالبات اور اساتذہ کو اسی سال ایران کا تحقیقی و مطالعاتی دورہ کروانے کا اعلان کیا ۔
