یوکے اسلامک مشن سلاؤ کے ترجمان موسٰی وڑائچ کے مطابق ارکان کی فیملیز کے لئیے عید ملن پارٹی کا اہتمام کیا گیا،عید ملن پارٹی میں یوکے آئی ایم سلاؤ برانچ کے ارکان سمیت بچوں نیبھی کثیر تعداد میں شرکت کی اور خوب موج مستی کی،کسی نے فٹبال کھیلا اور چھوٹے بچے اپنی کھیلوں میں مصروف رہے۔شرکا کے لئیے لذیذ کھانوں کا اہتمام بھی کیا گیا،ایونٹ میں شریک  تمام لوگ پاکستانی کھانوں سے بھرپور لطف اندوز ہوئے۔تقریب سے خطاب کرتے ہوئے یوکے آئی ایم کے زونل صدر عاصم الدین نے شرکا کو تنظیم کا تعارف کروایا اور بتایا کہ یو کے آئی ایم برطانیہ میں گذشتہ ساٹھ سال سے کام کر رہی ہے۔میڈیا سے گفتگو کرتے ہوئے سلاؤ برانچ کے صدر ابرار حسین نے کہا کہ عید ملن پارٹی کا مقصد نئی نسل کو اسلامک تہوار کے حوالے سے آگاہی دینا تھا۔اگر ہم اپنی نوجوان نسل کو اپنی مذہبی تہواروں کے حوالے سے بتائیں گے تو ہی انکو اس حوالے سے علم ہو سکے گا،سلاؤ برانچ کے سیکرٹری کاشف جعفری کا کہنا تھا کہ  عید ملن کا مقصد اپنے پیاروں اور ملک سے دور یہاں رہنے والے افراد کے لئیے ایسے مل بیٹھنے کا ایک بہانہ ہے۔بچوں اور بڑوں سب نے یوکے آئی ایم کی عید ملن پارٹی کو بھرپور انجوائے کیا،اور امید ظاہر کی کہ مستقبل میں بھی ایسے ایونٹس کا انعقاد ہوتا رہے گا۔تقریب میں ڈاکٹر محمد عارف،رانا وقار،ظفر شاہد،چوہدری عارف،ڈاکٹر شکیل،راجہ یونس،موسٰی وڑائچ،عبید احمد ،مبشر احمد،محمد ابراہیم،محمد عاصم، شاہ نواز ،گل رسول اور دیگر ارکان نے شرکت کی۔