لاہور(سپورٹس رپورٹر) کامن ویلتھ گیمز کیلئے پاکستان کی چار رکنی بیڈمنٹن ٹیم کا انتخاب کرلیاگیا۔پاکستان کے دو مرد اور دو خواتین کھلاڑی ان گیمز میں ملک کی نمائندگی کریں گی، حتمی ٹیم کا چناؤ لاہور میں دو روزہ ٹرائلز کے بعد کیاگیا۔ ترجمان بیڈمنٹن فیڈریشن کے مطابق ان ٹرائلز میں ملک کے ٹاپ آٹھ لڑکوں اور سات بہترین خواتین کھلاڑیوں نے حصہ لیا۔عمدہ پرفارمنس کا مظاہرہ کرنے والے مراد علی کیساتھ حافظ عرفان کامن ویلتھ گیمز کیلئے منتخب کیے گئے ہیں۔ ویمنز ایونٹس میں ما حور شہزاداورغزالہ صدیق پاکستانی دستے کا حصہ ہوں گی۔ظفر تسلیم کوچ اور پرویز بٹ مینیجر کی حیثیت سے ٹیم کے ساتھ روانہ ہوں گے۔