فیروز والہ :ٹریفک حادثات ‘کمسن بچے سمیت 3افراد جاں بحق ‘2زخمی
فیروزوالہ( نامہ نگار) جی ٹی روڈ پر ٹریفک کے مختلف حادثات میں کمسن بچے سمیت 3 افراد جاں بحق جبکہ 2 افراد زخمی ہوگئے۔ تھانہ صدر کے قریب شرقپور روڈ پر ڈمپر اور ٹریکٹر ٹرالی کے تصادم میں ٹرالی ڈرائیور یامین اور اسکا ساتھی وسیم جان بحق ہوگئے جبکہ دوسرا حادثہ لاہور روڈ پر پٹرول پمپ کے قریب پیش آیا جہاں تیز رفتار ڈمپر نے موٹر سائیکل سوار باپ بیٹے کو ٹکر ماردی ‘ بیٹا عبدالہادی جان بحق ہوگیا جبکہ اسکے والد کو شدید زخمی حالت میں ہسپتال منتقل کردیا گیا ہے۔
